Met excuses aan Cora. Vorige week ben ik vergeten het verhaal van de week op de site te plaatsen. Ik kwam er vanmorgen pas achter. Hier volgt dus alsnog voor degenen die het niet per mail hebben gekregen het verhaal van 14 september. Niels
Contact maeke
’t Is nie altied even makkeluk om erregens contact te kriegen. In dan hae ‘k ’t nie over contact tussen maensen, maar contact maeke mit stroamtoevoer. Dat oendervoend oak Jaop die in ’n Noorse hotelkaemer naer ’n stopcontact zocht. Hie wou z’n eige ommers schere in hie had vergete z’n scheerapperaet op te laeien. Jaop was ’t wel van plan gewêêst om ’t in de vorige kaemer op z’n roendreis te doewn, mar daer had ’n zo’n môôie vrouwe gezien, dat ’t ‘r bie ingeschote was. Hie kon die’n aevend an niks arrès mêêr dienke. Wat ’n zaekie, docht ‘n. Hoe kon dat toch gebeure? Hie was ommers gelokkig getrouwd. Toch? Hie was in de warre…
Jaop keek roend in z’n hotelkaemer om de stekker in ’n stopcontact te doewn. Mar waer zat ‘n? Bèl, bèl, allêên bie de plinten van de kaemer zatte contacten, twêê naest mekaore. Hoe noe? D’r was mar êên meugelukheid in dat was om deur z’n knieën te gaen. Kiek, daer lag ’n plat op z’n poke om de stekker van ’t apperaet d’r in te steken. Naest ’n grôte schemerlampe die in d’n hoek van de kaemer stoend.
Eindelijk… ’t Is gelukt om ’t apperaet op te laeien. Jaop gieng daernae z’n eige môôi maeke, want voend ’n zelluf, hie lag nog best goewd bie de vrouwen…
Cora de Boed